किन आज झस्काउछ, यो तस्वीरले पनि।

कुनै बेलाका वर्तमान ती,
आज अतित बनी,
आइदिए सम्झनामा,
पुराना ती याद बनी,

सङै झुमेका रमेका,
उत्कृष्ट ती पल अनि,
किन आज झस्काउछ ,
यो तस्वीरले पनि ।।।

चौताराका कसमहरु,
कहिल्यै नछुट्ने बाचा,
सम्झनिमा आइरन्छन्,
झक्झक्याउछन् आज,

अबोध त्यो चञ्चलताको,
अन्जान त्यो प्रेम अनि,
किन आज झस्काउछ,
यो तस्वीरले पनि ।।।

त्यो टोल, त्यो गल्ली,
ती साथिहरुमाझ तिमि,
सपनिमा आकि थियौ,
बिर्सियौ की भनी,
सम्झाउन अनि,
किन आज झस्काउछ,
यो तस्वीरले पनि ।।।

कहाँ पुर्यायो समयले,
कहाँ पुग्यौ तिमि आज,
साच्चै गाह्रो हुन्छ भुल्न,
पहिलो प्रेम मुटुमाझ,

मुस्कुराइरहेछौ तस्वीरमा,
बसेर त्यो टेबलमाथी,
किन आज झस्काउछ,
यो तस्वीरले पनि।।।