"म भित्रको म "

म जिर्णशार्ण बिभक्त-बिभक्त मस्तिष्क र अङ्ग लिएर बेंशी र खोंचमा सुनगाभा रोप्दा कालो गोमनको डँसाईले मेरा पाऊहरु अनी हातहरु बिषाक्त छन, मेरा पाईला अनी हातहरु छियाँ छियाँ खिईदै म अस्तित्वहिन , अस्थिपञ्जर सदृशताको उच्चारण निकाल्न खोज्छु, कालकुटले ग्रसित मेरा बाक्यहरु शुन्यतामा अधिर हुन्छन, दुर्दशाको चोमोलुङ्मा मै माथी खस्दा मेरा लाश लुछन जोपिलोटहरु मै माथी फनफनी घुमिरहेका छन, मेरा लागी सुग्राहिता भित्र बग्ने ह्वाङ्हो पनि साहारा मरुटटको छातीमा, कोलाहल बिहानीसँगै बिलिन र बिसर्जित हुँदै आइहेछ बिक्षुब्ध दुर्बल म मेरा भित्ताहरुमा आस्थाका बुद्द टाँसी माइलादाईको देशभक्ती स्वरमा मैले स्वर खाप्दा मेरा वरिपरि "छैयाँ-छैयाँ र मैयाँ- मैयाँ" धुनहरु गुञ्जयमान हुन खोजीरहेछन, त्यसैले आज म एउटा प्रणयको भिख माग्दैछु, मानचित्रको नक्सा कोर्ने ति चित्रकारहरुसँग कृपया मेरो शरिरको चित्र कोरिदेऊ, मेरा अस्थिपञ्जरको कुनै त्रुटी नदेखियोस,, ताकी भोलीका मेरा सन्ततीहरुले मलाई लङ्गडो नदेखुन पाऊ र हात बिहिन बाबुको सन्तती भनेर, मेरा युगान्तकारी हाडहरुको यस्तो चित्र कोरीदेउ जहाँ म टुक्रीएर गए पनि मेरा तस्बिर मेरा चित्रहरु सगल्ती ति मेरा सन्ततीका भित्ताहरु टाँगिएर रहुन।

by Manish Bhandari